1945දී මෙම ස්ථානයෙහි නැවත පාසම් 03ක් බිහිවිය.ළදරු පාසල, ප්‍රාථමි පාසල හා මධ්‍ය විද්‍යාලය යනුවෙනි. 1949 පෙබරවාරි සම ඉබ්බාගමුව මධ්‍ය විද්‍යාලය දැනට විදුහල තිබෙන ස්ථානයට ගෙන යන ලදී. 1945 අධ්‍යාපන ප්‍රතිසංස්කරණ තුළින් ප්‍රාථමික විද්‍යාලයක් වූ මෙම විදුහල 1950 දශකයේදී වසරෙන් වසර 6,7,8,9,10,11, ආදී වශයෙන් ජ්‍යේෂ්ඨ විද්‍යාලයක් බවට පත්විය.1977 රාජ්‍ය මාරුවෙන් පසු 1979 වර්ෂයේදී මහා විද්‍යාලයක් බවට පත්ව දියුණුවට පත්විය.2012වර්ෂයේ ද්විතියික පාසලක් බවට පත්වූ අතර පළමු ශ්‍රේණිය ඉවත් වී 2013 වර්ෂය සඳහා 6 ශ්‍රේණියට පෝෂිත පාසල් 06ක සිසුන් මෙම විදුහලට භාරගනු ලැබීය.අනාගතයේදී ද්විතියික පාසලක් ලෙස සියලු පහසුකම්වලින් සපිරි පාසලක් බවට පත්ව ඇත. 2011 වසර වන විට ඉබ්බාගමුව අධ්‍යාපන කලාපයේ ප්‍රධාන පළාත් පාසල් අතරින් අ.පො.ස. (සා.පෙ) ප්‍රතිඵල 64.46%ක වැඩි වර්ධනයක්ද, 5 වසර ශිෂ්‍යත්ව විභාගයෙන් කලාපයේ වැඩිම ශිෂ්‍ය සංඛ්‍යාවක් (49) ක් සමත් කළ පාසලක් බවද ඉතිහාසගත වන සංදිස්ථානයකි.